ბათუმის აგრარული ბაზარი დაიხურა
მარიამ ხითარიშვილი: 27 48 93
მოვაჭრეების თქმით, როცა ისინი დილით სამუშაოდ მივიდნენ, მიიღეს მითითება, რომ ტერიტორია უნდა დაეტოვებინათ. მათ განუმარტეს, რომ ეს კორონავირუსის პრევენციის მიზნით ხდება. ბათუმის მერიაში ამბობენ, რომ აგრარული ბაზარი საკოორდინაციო საბჭოს რეკომენდაციით დაიხურა. იგი დახურული იქნება მანამ, ვიდრე საბჭო გახსნის შესახებ რეკომენდაციას არ გასცემს.
– სარეკომენდაციო საბჭოს რეკომენდაციით მიღებულ იქნა გადაწყვეტილება, რომ ქვეყნის მასშტაბით, ყველა აგრარული ბაზარი დაიხუროს. მათ შორის ბათუმის ტერიტორიაზეც. როგორც კი საბჭო გადაწყვეტს, რომ ნებადართული იქნეს აღნიშნული ბაზრების მუშაობა, მივცემთ მოვაჭრეებს უფლებას, რომ გააგრძელონ საქმიანობა. ჯერჯერობით არ ვიცით, როდემდე იქნება ბაზრები დახურული. საბითუმო ბაზრები ჯერ ჩვეულ რეჟიმში აგრძელებს მუშაობას, რათა ქალაქის ტერიტორიაზე მაღაზიები ხილ-ბოსტნეულით მომარაგდეს. მოქალაქეები, რომლებიც კილოგრამობით ყიდულობენ პროდუქტს, მაღაზიებში შეიძენენ, – თქვა ჩვენთან საუბარში ბათუმის მუნიციპალური ინსპექციის დირექტორმა არჩილ კონცელიძემ.
