წიგნის პრეზენტაცია – ონლაინრეჟიმში
მარიამ ხითარიშვილი: 27 48 93
“მესაათე”-ასე ჰქვია წიგნს, რომლის ონლაინპრეზენტაცია 4 აპრილს გაიმართა. წიგნის ავტორმა თამაზ მჟავანაძემ ისაუბრა სამ დამოუკიდებელ მოთხრობაზე, რომლებიც სამართალდამცავ ორგანოებს მიუძღვნა. მწერალი ამბობს, რომ საკუთარი სათქმელის ფურცელზე გადატანა ერთგვარი აზარტია, ემოციებისგან რომ ბოლომდე დაიცალოს. წიგნის რედაქტორი პოეტი ბელა ქებურიაა. ავტორი წიგნზე 1 წელი მუშაობდა. ცხოვრება ჩვეულ რიტმს რომ დაუბრუნდება, იგი ოფიციალური პრეზენტაციის გამართვასაც აპირებს.
ონლაინშეხვედრა საკმაოდ ინტერაქტიული იყო. აუდიტორია საინტერესო კითხვებს სვამდა მწერლის ნაწარმოებების შესახებ, რაზეც ამომწურავ პასუხებს ღებულობდა.
-მსგავსი შეხვედრები მნიშვნელოვანია თანამედროვე გამოწვევების გათვალისწინებით. სწორედ ახლა სჭირდება გამხნევება პოლიციელებს და ყველა იმ პირს (ექიმებს, ჟრნალისტებს), ვინც ჩვენთვის თავდაუზოგავად მუშაობს ამ ურთულეს პერიოდში. ასეთი ადამიანები არიან ხშირ შემთხვევაში ჩემი ნოველების გმირები. ბუნებრივია, რომ ჩემი პერსონაჟები რეალური პიროვნებები გახლავთ, ბევრი მათგანი ჩემი სამეგობრო წრიდანაა. სასიამოვნო იყო, რომ ჩართვას ახალგაზრდები ესწრებოდნენ. მათთვის განსაკუთრებით საყურადღებოა ის ღირებულებები, რაზეც წიგნშია მოთხრობილი: პროფესიისადმი ერთგულება და სიყვარული, თაობათა შორის კავშირი, მეგობრობა და ის ცხოვრებისეული გამოწვევები, რაც შეიძლება ყველას ჰქონდეს. როგორც პედაგოგმა, ასევე გამოვყავი მოსწავლე-მასწავლებლის ურთიერთობა. წიგნი ჩემს აუხდენელ ოცნებაზეა – ბავშვობიდან პოლიციელობას ვნატრობდი, მაგრამ შშმ პირობის გამო ვერ ავისრულე. ამიტომ წიგნში ვსაუბრობ ამ პროფესიაზე და ოცნებებს პერსონაჟების სახით ვისრულებ, – გვითხრა თამაზ მჟავანაძემ.
