კორონავირუსის პრევენციისთვის ქობულეთის 4 სოფელი ჩაიკეტა
მარიამ ხითარიშვილი: 27 48 93
ოზურგეთის დამაკავშირებელ გზაზე ახალი კორონავირუსის გავრცელების პრევენციისთვის ქობულეთის 4 სოფელი ჩაიკეტა: გვარა, მუხაესტატე, წყავროვკა და ლეღვა. მკაცრი საკარანტინე რეჟიმის აღსრულებას შინაგან საქმეთა სამინისტროსა და თავდაცვის ძალები უზრუნველყოფენ.
სოფლები ერთმანეთის გვერდი-გვერდ მდებარეობს. სამხედროებმა ბლოკპოსტები დააყენეს და კარვები გაშალეს. 2 ძირითადი ბლოკპოსტი გვარასა და ლეღვას შესასვლელში მდებარეობს, სადაც ხალხს აღარ შეუშვებენ. გაკეთდა 7 სათადარიგო საგუშაგო და დაიწყო მოსახლეობის მასობრივი თერმოსკრინინგი. აჭარის ჯანდაცვის პრესსამსახურის ინფორმაციით, ყველა პირს, ვისაც ბოლო 2 კვირის განმავლობაში ინფექციის რაიმე მიმანიშნებელი სიმპტომი აღენიშნებოდა, ვირუსზე შემოწმდება.
გადაწყვეტილება საკოორდინაციო საბჭოზე დღეს, 12 აპრილს კორონავირუსის გავრცელების პრევენციის მიზნით მიიღეს. იქიდან გამომდინარე, რომ ქობულეთში ფიქსირდება დიდი კლასტერი და შიდა გადაცემის შემთხვევები, ეს ოთხი ადმინისტრაციული ერთეული, ისევე როგორც ბოლნისი, მარნეული და ლენტეხი, ჩაიკეტა.
