„სუბსიდირება არ ვრცელდება ძველ დავალიანებებზე, კომერციულ და საბიუჯეტო ორგანიზაციებზე“
ნინო ცხვარაძე: 591 98 24 30 –
საქართველოს მასშტაბით, მოსახლეობას მოხმარებული წყლის საფასური სამი თვის განმავლობაში (მარტი, აპრილი, მაისი) სრულად დაუფინანსდება. აღნიშნული გადაწყვეტილება კორონავირუსის გავრცელების გამო შექმნილი ვითარებიდან გამომდინარე, საქართველოს მთავრობამ დაწესებული შეღავათების ფარგლებში მიიღო.
შეღავათი ვრცელდება მხოლოდ ფიზიკურ პირებზე. შეღავათი არ შეეხება კომერციულ ობიექტებს, არც ძველ დავალიანებებს. მოქალაქეებს, რომლებსაც აღნიშნული შეღავათის გამოყენება არ სურთ იმ მოტივით, რომ აქვთ გადახდის შესაძლებლობა და სურთ, გამოთავისუფლებული თანხები მიმართული იყოს სხვა, მნიშვნელოვანი პროგრამებისკენ, აპრილისა და მაისის სუბსიდიაზე უარის თქმის შემთხვევაში, პოზიცია შეუძლიათ შემდეგ გვერდზე – 
დააფიქსირონ. აპრილის კომუნალურ შეღავათებზე უარის თქმის ბოლო ვადა 2020 წლის 11 მაისია.
– საქართველოს მთავრობამ მნიშვნელოვანი გადაწყვეტილება მიიღო. 28 აპრილს დადგენილებას მოეწერა ხელი, რომლის საფუძველზეც აბონენტების წყლისა და წყალარინების საფასურს სრულად დაფარავს სახელმწიფო. წყლის გადასახადი არ იქნება დამოკიდებული არც მოხმარებული ელექტროენერგიის და არც ბუნებრივი აირის საფასურზე. აბონენტებს, რომლებმაც გადაიხადეს მარტის თვის საფასური, გადახდილი თანხა შეუძლიათ გამოითხოვონ და დაუბრუნდებათ უკან, ან გატარდება მათ სააბონენტო ბარათზე და როდესაც დასრულდება სუბსიდირება, იგი შემდეგ თვეებზე გადანაწილდება. სუბსიდირება არ ვრცელდება ძველ დავალიანებებზე, კომერციულ და საბიუჯეტო ორგანიზაციებზე. თუ რა რაოდენობით, კუბადურობით უნდა მოიხმაროს მოსახლეობამ წყალი, განსაზღვრული არ არის, – აცხადებს „ბათუმის წყლის“ დირექტორი მარიკა გვიანიძე.
