აბიტურიენტებისთვის ახალი პროექტი ამოქმედდა
ნანა აბულაძე: 577 20 35 90 –
„ვებსკოლა” – ასე ჰქვია საქართველოს განათლების სამინისტროს ახალ პროექტს, რომელიც ქვეყანაში შექმნილი მდგომარეობიდან გამომდინარე მიზნად ისახავს აბიტურიენტების დახმარებას. როგორც უწყებაში განმარტავენ, პროექტი მოიცავს პრაქტიკოსი მასწავლებლების ჩართვას, რომლებიც აბიტურიენტებისთვის ვებინარებს ჩაატარებენ, რაც შემდეგ პლატფორმაზე 
-ზე აიტვირთება. ვებინარები ყველა საგანს მოიცავს და ის ყოველკვირეულად განახლდება.
ახალი პროექტი განათლების სამინისტროს ინფორმაციით, დღეიდან იწყება და ის 4 ივლისის ჩათვლით გაგრძელდება. აღსანიშნავია, რომ თითოეული ვებინარის აუდიოჩანაწერი შეინახება და ხელმისაწვდომი იქნება ნებისმიერი დაინტერესებული აბიტურიენტისათვის.
აღსანიშნავია ისიც, რომ თითოეულ მოსწავლეს, სურვილისამებრ, საშუალება ექნება, ღიად დააფიქსიროს საკუთარი მოსაზრება, დასვას შეკითხვები და აქტიური მონაწილეობა მიიღოს შემდგომი ვებინარების დაგეგმვაში.
