რა უნდა გავითვალისწინოთ?
ნანა აბულაძე: 577 20 35 90 –
ხუთი მაისიდან გარკვეული შეზღუდვები მოიხსნება, რამაც არაერთი კითხვა გაუჩინა მოქალაქეებს. მაგალითად, ეხება თუ არა სამშენებლო სამუშაოების ნაწილში შეზღუდვების მოხსნა სამშენებლო მასალის რეალიზაციას? მთავრობის ინფორმაციით, რეალიზაცია მხოლოდ ონლაინ არის დასაშვები. ასევე, მხოლოდ ონლაინ დაიშვება ავტონაწილებით ვაჭრობა, თუმცა ეს შესაძლებელია ავტოტექმომსახურების ადგილზეც იმ შემთხვევაში, თუ ამ მასალის შეძენა საჭირო გახდება ავტოტექმომსახურების გაწევის დროს. გამომდინარე იქიდან, რომ ქუთაისსა და ბათუმში დასაშვები გახდა შესვლა და გასვლა, გაჩნდა კითხვა, ეს შესაძლებელი იქნება თუ არა კომენდანტის საათის დროს. როგორც სამთავრობო ინფორმაციაში ვკითხულობთ, კომენდანტის საათის მოქმედება ძალაში რჩება. რაც შეეხება კითხვას, ავტოტექმომსახურების დაშვება გულისხმობს თუ არა მოტოციკლეტების, მოპედებისა და ველოსიპედების ტექმომსახურებასაც, დიახ გულისხმობს, თუმცა აუცილებელია ავტოტექმომსახურების ცენტრებისა და ავტოსამრეცხაოების მიერ დაცული იყოს შესაბამისი წესები (პირბადეები, სადეზინფექციო საშუალებები და ა.შ).
