მირდატ ქამადაძემ ლაშა კომახიძე ფრაქციის სხდომაზე მიიწვია
ნანა აბულაძე: 577 20 35 90 –
ბათუმის საკრებულოს წევრმა „ერთიანი ნაციონალური მოძრაობიდან” მირდატ ქამადაძემ ბათუმის მერის ფრაქციის სხდომაზე მიწვევასთან დაკავშირებით პარტიის ოფისში ბრიფინგი გამართა:
– მას შემდეგ, რაც ბათუმის საკრებულოს უმრავლესობამ პოლიტიკური უპასუხისმგებლობა გამოიჩინა და უარი თქვა, ემსჯელა ანტიკრიზისულ გეგმაზე, ჩვენ ოფიციალურად, წერილობით, მივმართეთ ბათუმის მერს და 15 მაისს, 11 საათზე ფრაქციის სხდომაზე მოვიწვიეთ. ასევე, შევთავაზეთ მას, რომ კონსტრუქციულ რეჟიმში ვისაუბროთ იმ ანტიკრიზისულ გეგმაზე, რომელიც ქალაქს ესაჭიროება. საჯაროდ ვუთხრათ და გავაგებინოთ ჩვენს თანაქალაქელებს, როგორ ვაპირებთ მათი პრობლემების მოგვარებას. ჩვენ გვგონია, რომ მერს უფრო მეტი პასუხისმგებლობა აღმოაჩნდება, ვიდრე საკრებულოს დეპუტატებს, მობრძანდება სხდომაზე და საჯაროდ ვისაუბრებთ ზემოთ აღნიშნულ საკითხებზე.
ბოლო ორმა თვემ ნათლად წარმოაჩინა, რომ ქალაქს ფაქტობრივად, პატრონი არ ჰყავს – არცერთი პასუხისმგებელი პირი არ გამოსულა და საჯარო განცხადება არ გაუკეთებია, თუ როგორ აპირებენ კრიზისის დაძლევას.
საზოგადოება პასუხს ელის და გვგონია, რომ მერი აცნობიერებს თავის პასუხისმგებლობას, რადგან სწორედ ამისთვის აირჩია თავის დროზე ხალხმა. დღეს საჯაროდ არსაუბარი ჩვენი გაჭირვებაში მყოფი თანაქალაქელებისათვის ზურგის შექცევის ტოლფასია, – განაცხადა მირდატ ქამადაძემ.
