ფოთში ბათუმის საზღვაო აკადემიის ფილიალი გაიხსნება
ნანა აბულაძე: 577 20 35 90 –
მომავალი წლიდან ფოთში ბათუმის საზღვაო აკადემიის ფილიალი გაიხსნება, რომელიც ქვეყნის ლოგისტიკურ ცენტრებს კომპეტენტური კადრებით მოამარაგებს.
ამჟამად ისტორიული შენობის სარეაბილიტაციო სამუშოები მიმდინარეობს, რომელიც პრემიერ-მინისტრმა გიორგი გახარიამ, საზღვაო ტრანსპორტის სააგენტოს ხელმძღვანელ თამარ იოსელიანთან ერთად მოინახულა. აღნიშნული სასწავლებელი დასაწყისში ორიენტირებული იქნება
პროფესიულ განათლებაზე, რომელიც ყველა საერთაშორისო სტანდარტს უპასუხებს და ახალგაზრდებს საშუალებას მისცემს, მოთხოვნადი, მაღალანაზღაურებადი პროფესია შეიძინონ.
როგორც ცნობილია, სასწავლებელი 1000 სტუდენტზე იქნება გათვლილი.
აღსანიშნავი და სასიამოვნოა ის ფაქტი, რომ 140 წლის შემდეგ ფოთს საზღვაო სასწავლებელი უბრუნდება.
როგორც გვაცნობებენ, სამშენებლო სამუშაოები 2020 წელს დასრულდება. ფოთის საზღვაო აკადემია პირველ სტუდენტს 2021 წელს მიიღებს. საზღვაო ტრანსპორტის სააგენტოს დირექტორმა განაცხადა, რომ სასწავლებელი რეგიონის ლოგისტიკურ ჯაჭვს და სანავსადგურე პროფესიების განვითარებას შეუწყობს ხელს:
– ძალიან ვამაყობ, რომ ჩვენ ჩაგვბარდა ამ ისტორიული საქმის შესრულება, – განაცხადა თამარ იოსელიანმა.
