რას გვთავაზობენ მუზეუმები?
ნანა აბულაძე: 577 20 35 90 –
18 მაისი მუზეუმების საერთაშორისო დღეა. პანდემიიდან გამომდინარე, ის ღონისძიებები, რასაც ტრადიციულად, მუზეუმები ამ დღეს ატარებენ, წელს არ გაიმართება, თუმცა ისინი დისტანციურ რეჟიმში მრავალფეროვან და საინტერესო აქტივობებს გვთავაზობენ. კონკრეტულად, რის ნახვა შეგვიძლია ონლაინრეჟიმში, როდის გაიხსნება მუზეუმები და რა სიახლეებს შესთავაზებს ის დამთვალიერებლებს, აღნიშნულის შესახებ გაზეთ „აჭარას” აჭარის მუზეუმების გაერთიანების ხელმძღვანელი სულხან ოქროპირიძე ესაუბრა:
– წელს პანდემიის გამო მუზეუმის საერთაშორისო დღეს ციფრულ ფორმატში აღვნიშნავთ. მუზეუმების საერთაშორისო საბჭოს გდაწვეტილებით, 2020 წელს მუზეუმების საერთაშორისო დღის თემად შერჩეულია „მუზეუმები თანასწორობისათვის: მრავალფეროვნება და ინკლუზიურობა”. აღნიშნულთან დაკავშირებით, ჩვენ დავგეგმეთ ბევრი საინტერესო აქტივობა, რომლებსაც კვირეულის ფარგლებში ონლაინსივრცეში შევთავაზებთ საზოგადოებას. რაც შეეხება მუზეუმების გახსნის საკითხს, ამ ეტაპისათვის ზუსტი თარიღი არ არის გადაწყვეტილი. ჩვენ ყოველდღიურ რეჟიმში აქტიურად ვმუშაობთ იმაზე, თუ რა სიახლებს შევთავაზებთ საზოგადოებას. დაგემილი გვაქვს მრავალი გამოფენა, მათ შორის ღია სივრცეში, ასევე, არქეოლოგიური გათხრები.
რა თქმა უნდა, ეს ყველაფერი განხორციელდება იმ რეკომენდაციის მიხედვით, რაც იქნება ჩვენი სფეროსთვის განსაზღვრული, – გვითხრა სულხან ოქროპირიძემ.
მუზეუმების საერთაშორისო დღე 1977 წლის 18 მაისს დააფუძნა მუზეუმების საერთაშორისო საბჭომ და ამ თარიღს საერთაშორისო სამუზეუმო საზოგადოება 40 წელზე მეტია აღნიშნავს.
