ნებისმიერი სასტუმრო 8 ივნისიდან, მაგრამ შესაბამისი ნებართვის საფუძველზე, გაიხსნება
საქართველოს პრემიერ-მინისტრმა გუშინ გარკვევით თქვა, რომ 8 ივნისიდან ჩვენს ქვეყანაში სასტუმროები გაიხსნება, თუმცა ამ საკითხით დაინტერესებულმა ბიზნესმენებმა უნდა იცოდნენ, რომ ამისთვის ნებართვები დასჭირდებათ.
– 8 ივნისიდან, ასევე, გაიხსნება სასტუმროები, მხოლოდ ის სასტუმროები, რომლებიც გაივლიან ჯანდაცვის სამინისტროს შესაბამისი უწყებების შემოწმებას და შესაბამის ნებართვას მიიღებენ. გაიხსნება საქალაქთაშორისო ტრანსპორტიც. ეს ნაბიჯები მიღებულია, პირველ რიგში, ჩვენი მოქალაქეების ინტერესებიდან გამომდინარე, მათი სოციალური და ეკონომიკური ინტერესების გათვალისწინებით.თუმცა ყველას უნდა გვახსოვდეს, რომ ამ ნაბიჯის შემდგომი, აუცილებელი პირობაა, შევინარჩუნოთ ეპიდემიის გავრცელების ის ტემპი, რომელიც გვაქვს დღეს. საზოგადოებრივი თავშეყრის ადგილებში მოქალაქეებმა უნდა ატარონ პირბადე. ამ გადაწყვეტილებებს უფრო დეტალურად უახლოეს პერიოდში გამცნობთ მთავრობის ადმინისტრაცია, – განაცხადა გიორგი გახარიამ.
