საჯარო სკოლები ფიზიკის ელექტრონული ლაბორატორიებით უზრუნველყვეს
აჭარის განათლების, კულტურისა და სპორტის სამინისტროს ინფორმაციით, რეგიონის 10 საჯარო სკოლა იმ სკოლების სიას შეემატა, რომლებიც ფიზიკის ელექტრონული ლაბორატორიითაა უზრუნველყოფილი.
განათლების სისტემაში მიმდინარე რეფორმის ხელშეწყობისა და საჯარო სკოლების მატერიალური ბაზის გაუმჯობესების მიზნით, აჭარის ავტონომიური რესპუბლიკის განათლების, კულტურისა და სპორტის სამინისტრო 2019 წლიდან ახორციელებს საჯარო სკოლების ფიზიკის ელექტრონული ლაბორატორიით უზრუნველყოფას. აღნიშნული ლაბორატორია საშუალებას აძლევს მოსწავლეს, რომ პრაქტიკული ექსპერიმენტის დროს მიღებული მონაცემები ვირტუალურ ლაბორატორიაში ასახოს, გააანალიზოს შედეგები და გამოიტანოს მეცნიერულად არგუმენტირებული დასკვნები.
2020 წელს 10 საჯარო სკოლა უზრუნველყვეს ფიზიკის ლაბორატორიის ელექტრონული პროგრამით, რომლისთვისაც ბიუჯეტიდან 50000 ლარი დაიხარჯა.
2020 წელს ლაბორატორიის ელექტრონული პროგრამით უზრუნველყოფილია 10 საჯარო სკოლა. ესენია: ბათუმის მე-5,მე-8 და მე-9 საჯარო სკოლები; ხელვაჩაურის მუნიციპალიტეტის სოფლების ახალშენის #NNN##
1 და სალიბაურის N2 საჯარო სკოლები; ქობულეთის მუნიციპალიტეტის სოფლების ჩაქვის N1 და ლეღვას N1 საჯარო სკოლები; ქედის მუნიციპალიტეტის სოფელ ახოს N1,
შუახევის მუნიციპალიტეტის დაბა შუახევისა და ხულოს მუნიციპალიტეტის დაბა ხულოს საჯარო სკოლები.
პროგრამის ფარგლებში, ფიზიკის ელექტრონული ლაბორატორიით რეგიონში უზრუნველყოფილია 20 საჯარო სკოლა.
