კუპატა ბანკის ფასადზე დახატეს

ბათუმში, მემედ აბაშიძის ქუჩაზე, საქართველოს ბანკის შენობის გვერდით ფასადზე კუპატას ხატავენ – ძაღლს, რომელიც ცნობილი გახდა, რადგან ბავშვებს აცილებს ზებრა გადასასვლელზე. კუპატა მას შემდეგ გახდა პოპულარული, რაც ბათუმელმა ბექა ცინაძემ გადაიღო ვიდეო, როგორ ეხმარება იგი ბავშვებს ზებრის გადაკვეთაში და უყეფს კანონდამრღვევ მძღოლებს. ვიდეომ მალე მიიქცია არა მარტო ქართული, არამედ საერთაშორისო მედიის ყურადღება.
ძაღლი რამდენიმე წელია, მელიქიშვილის ქუჩაზე გამოჩნდა და ერთ-ერთი სახლის სადარბაზოში ცხოვრობს. მას სახლიც დაუდგეს იმ კორპუსთან, რომელსაც  რამდენიმე წელია მიეკედლა. სახლი წარწერით – „ხალხის რჩეული“ კუპატასთვის აჭარის ტურიზმისა და კურორტების დეპარტამენტის თანამშრომლებმა შეიძინეს.

სულ ნანახია

70

დღეს ნანახია

1