ინფიცირების ოთხი ახალი შემთხვევა – აჭარაში
მარიამ ხითარიშვილი 27 48 93 –
აჭარაში გასული 24 საათის განმავლობაში ახალი კორონავირუსის 4 ახალი, ლაბორატორიულად დადასტურებული შემთხვევა დაფიქსირდა. ინფიცირებულთაგან ერთი თურქეთის მოქალაქე, საერთაშორისო გადაზიდვების ავტომობილის მძღოლია, რომელიც საკუთარი სურვილით სამკურნალოდ თურქეთში დაბრუნდა. ორი საკარანტინო სივრციდანაა, აქედან ერთი იმ მძღოლის კონტაქტია, რომელსაც კოვიდ-19 რამდენიმე დღის წინ დაუდასტურდა. მეოთხე ინფიცირებული სასტუმრო „ველმონდის” საკარანტინო სივრციდან გადმოჰყავთ რესპუბლიკურ საავადმყოფოში. გამოჯანმრთელდა 7 პაციენტი. -ამ ეტაპზე განყოფილებაში მოთავსებულია 27 პაციენტი. ამათგან 10 პაციენტს აღენიშნება სხვადასხვა ხარისხის პნევმონია. ერთი შეიძლება ჩაითვალოს საშუალო სიმძიმის პაციენტად, დანარჩენების მდგომარეობა სტაბილურია. გადიან ანტიბიოტიკოთერაპიას და ანტივირუსულ მკურნალობას. დანარჩენებზე მიმდინარეობს გეგმიური მონიტორინგი. ახალი პაციენტების ჯანმრთელობის მდგომარეობა დამაკმაყოფილებელია და უსიმპტომოდ მიმდინარეობს. ერთს ველოდებით საკარანტინო სივრციდან, – განაცხადა რესპუბლიკური საავადმყოფოს კლინიკურმა მენეჯერმა გიორგი კიკაბიძემ.
