ამბები
,,ევრო 2020-ის პლეი ოფის’’ ფინალში საქართველოს ფეხბურთელთა ეროვნული ნაკრები ჩრდილოეთ მაკედონიასთან ანგარიშით 0:1 დამარცხდა და ევროპის ჩემპიონატზე გასვლის ისტორიული შანსი, რომელსაც 30 წლის განმავლობაში ელოდა, ხელიდან გაუშვა.
საქართველოს ნაკრებმა ისტორიული შანსი ხელიდან გაუშვა
ხატია იაშვილი: 591 98 24 25 –
,,ევრო 2020-ის პლეი ოფის’’ ფინალში საქართველოს ფეხბურთელთა ეროვნული ნაკრები ჩრდილოეთ მაკედონიასთან ანგარიშით 0:1 დამარცხდა და ევროპის ჩემპიონატზე გასვლის ისტორიული შანსი, რომელსაც 30 წლის განმავლობაში ელოდა, ხელიდან გაუშვა.
თბილისში „დინამო არენაზე“ მოწინააღმდეგეთა გუნდის ფეხბურთელმა გორან პანდევმა გოლი 56-ე წუთზე გაიტანა და საკუთარ ნაკრებს გამარჯვება მოუტანა.
საკადრო პრობლემები ორივე გუნდს ჰქონდა: საქართველოს ნაკრების ეს ისტორიული თამაში გამოტოვეს ოთარ კიტეიშვილმა, გიორგი ჩაკვეტაძემ, ხვიჩა კვარაცხელიამ და ლევან შენგელიამ. თუმცა, არც მეტოქეს ჰქონდა საქმე კარგად, რადგან დააკლდათ„ლევანტეს“ ნახევარმცველი ენის ბარდი, უნგრული „უიპეშტის“ ცენტრალური მცველი კირე რისტევსკი, ბოსნიური „სარაევოს“ თავდამსხმელი კრსტე ველკოსკი და ჩრდილომაკედონიური „სილექსის“ მეკარე დანიელ ბოჟინოვსკი. თბილისში ივარჯიშა არიან ადემმა, რომელიც ზაგრების „დინამოს“ ბოლო ვარჯიშზე დაშავდა, მაგრამ ის მოედანზე გამოჩნდა.
მატჩის დასრულების შემდეგ, მედიასთან შეხვედრის დროს ცნობილი გახდა, რომ ვლადიმირ ვაისი, მთავარი მწვრთნელი, საქართველოს ნაკრებს ხუთწლიანი მუშაობის შემდეგ ტოვებს.
– ერთა ლიგის მომდევნო ორ მატჩში გუნდს მე გავიყვან, ამის შემდეგ კი საქართველოს ნაკრებში მუშაობას დავასრულებ. სამწუხაროა, რომ ეს ისტორია ასე დასრულდა! – განაცხადა ვაისმა მატჩის შემდეგ.
– ვაისმა გააკეთა ის, რაც ვერავინ მოახერხა, მან ამ დღემდე მოგვიყვანა. ვაისი ერთ-ერთი საუკეთესო მწვრთნელია, რომელსაც საქართველოს ნაკრებში უმუშავია, – განაცხადა საქართველოს ნაკრების ყოფილმა ფეხბურთელმა და მწვრთნელმა თემურ ქეცბაიამ.
საქართველოს ნაკრები, ამ ეტაპზე, 15 ნოემბერს სომხეთთან და 18 ნოემბერს ესტონეთთან გასამართი მატჩებისთვის მზადებას 27 ფეხბურთელის შემადგენლობით განაგრძობს.
ევროპის ჩემპიონატი ფეხბურთში 2021 წლის ივნისში გაიმართება.
სულ ნანახია
335
დღეს ნანახია
1