თორნიკე რიჟვაძე: მიდით არჩევნების მეორე ტურზე, ე.წ. სირცხვილის კორიდორები ვერ მოეწყობა
ცეცილი ირემაძე: 577 20 45 63 –
აჭარის მთავრობის თავმჯდომარე თორნიკე რიჟვაძეს პოლონეთის რესპუბლიკის ქვემო სილეზიის სავოევოდოს მარშალი ცეზარი პშიბილსკი 31 ოქტომბერს საერთაშორისო სტანდარტების შესაბამისად, დემოკრატიული პრინციპების დაცვით ჩატარებულ არჩევნებს ულოცავს.
,,ბატონო თავმჯდომარევ, ქვემო სილეზიის ხელისუფლების სახელით მინდა მოგილოცოთ წარმატებული საარჩევნო კამპანიის ჩატარება. დიდი ინტერესით ვადევნებდით თვალყურს საპარლამენტო არჩევნებს აჭარის ავტონომიურ რესპუბლიკაში, რომელიც 31 ოქტომბერს, საერთაშორისო სტანდარტების შესაბამისად, დემოკრატიული პრინციპების დაცვით გაიმართა.
აჭარის ხელისუფლების ძალისხმევით, შესაძლებელი გახდა აჭარის უმაღლესი საბჭოს არჩევნების ეფექტურად გამართვა განახლებული საარჩევნო კანონმდებლობის საფუძველზე. დაფიქსირებული აქტიურობა, განსაკუთრებით ეპიდემიის შედეგად წარმოქმნილი აშკარა სირთულეების ფონზე, საქართველოს სამოქალაქო საზოგადოების დიდი წარმატებაა.
გარწმუნებთ, რომ უკვე მრავალი წელია ქვემო სილეზია მხარს უჭერს აჭარის უმაღლესი საბჭოსა და მთავრობის საქმიანობას, საზოგადოების განვითარების, დემოკრატიის განმტკიცებისა და ევროკავშირთან თანამშრომლობის მიმართულებით.
წარმატებას გისურვებთ 21 ნოემბერს დაგეგმილი არჩევნების მეორე ტურის გამართვაში“ – ნათქვამია ქვემო სილეზიის სავოევოდოს მარშალის ცეზარი პშიბილსკის მიერ გამოგზავნილ ოფიციალურ წერილში.
აჭარის მთავრობის თავმჯდომარემ თავისი ფეისბუქგვერდიდან მოქალაქეებს მიმართა არჩევნების მეორე ტურზე, ოპოზიციის მიერ დაანონსებული „სირცხვილის კორდორების“ მოწყობასთან დაკავშირებით:
„სირცხვილის კორიდორების მოწყობა არის „ნაციონალური მოძრაობის“ უმწიფარი გადაწყვეტილება. უნდა შერცხვეთ იმ უნიჭო პერფორმანსების, რასაც მათი დავალებით აკეთებენ პატარა უნიჭო აქტორების ჯგუფები. ამომრჩევლებს მოვუწოდებ, თამამად და გაბედულად მიიღონ მონაწილეობა მეორე ტურში, ე.წ. სირცხვილის კორიდორები ვერ მოეწყობა“ – მიმართა მოქალაქეებს თორნიკე რიჟვაძემ.
