საქართველოში ახალი კორონავირუსის 1 550 ახალი შემთხვევა გამოვლინდა, აჭარაში – 58
მარიამ ხითარიშვილი 27 48 93
აჭარის ჯანმრთელობისა და სოციალური დაცვის სამინისტროს პრესსამსახურის ინფორმაციით, ბოლო 24 საათში აჭარაში ახალი კორონავირუსის 58 შემთხვევა გამოვლინდა, გამოჯანმრთელდა 138 პაციენტი. რეგიონში დღემდე ვირუსი 33 767 მოქალაქემ დაამარცხა. 19 იანვარს კლინიკა დატოვა 29 პაციენტმა. ამ ეტაპზე რეგიონის კოვიდმიმღებ დაწესებულებებში მართვით სუნთქვაზე იმყოფება 5 პაციენტი. კლინიკაში მკურნალობს 269 ადამიანი, კლინიკურ სასტუმროში – 237, ხოლო ონლაინკლინიკაში – 596 მოქალაქე.
დღეს საქართველოში ახალი კორონავირუსის 1 550 ახალი შემთხვევა გამოვლინდა, გარდაიცვალა 15 პაციენტი, ხოლო გამოჯანმრთელდა 494 ადამიანი. ინტენსიური ტესტირების ფარგლებში, ბოლო 24 საათში ქვეყნის მასშტაბით, ჩატარდა 17 398 კვლევა ტესტით, მათ შორის 12 166 კვლევა ანტიგენის ტესტით და 5 232 პისიარ ტესტით.
ინფიცირების ახალი შემთხვევებიდან თბილისში გამოვლენილია 647, აჭარაში – 58, იმერეთში – 249, ქვემო ქართლში – 93, შიდა ქართლში – 95, გურიაში – 53, სამეგრელო – ზემო სვანეთში – 145, კახეთში – 106, მცხეთა-მთიანეთში – 41, სამცხე-ჯავახეთში – 49, რაჭა-ლეჩხუმსა და ქვემო სვანეთში – 14.
ამ ეტაპზე ინფიცირების მიმდინარე, აქტიური შემთხვევა არის 11 336, აქედან 3 656 ადამიანი მკურნალობს საავადმყოფოში, მათ შორის, თბილისის საავადმყოფოებში – 1 770, აჭარაში – 269, იმერეთში – 702. ამ ეტაპზე მძიმე პაციენტია 775, მათ შორის, თბილისში – 363, აჭარაში -54, იმერეთში – 184. ხელოვნური სუნთქვის აპარატზე იმყოფება 217 პირი, მათგან თბილისში – 156, აჭარაში – 5, იმერეთში – 26. 563 ადამიანი მოთავსებულია კლინიკურ სასტუმროებში, მათ შორის 248 – თბილისში, 237- აჭარაში, 32 – იმერეთში. 7 117 პირი ვირუსის მკურნალობის კურსს გადის საცხოვრებელ ბინაზე.
