საქართველოში ახალი კორონავირუსის 546 შემთხვევა გამოვლინდა, აქედან აჭარაში – 30
მარიამ ხითარიშვილი 27 48 93
აჭარის ჯანმრთელობისა და სოციალური დაცვის სამინისტროს პრესსამსახურის ინფორმაციით, აჭარაში ბოლო 24 საათში ახალი კორონავირუსის 30 შემთხვევა გამოვლინდა, გამოჯანმრთელდა 83 პაციენტი. დღემდე აჭარაში გამოჯანმრთელებულია 34 249 პირი. არსებული ინფორმაციით, დღეს კლინიკა დატოვა 27-მა პაციენტმა. მკურნალობის კურსს გადის 234 პაციენტი. მათგან კრიტიკულ მდგომარეობაში, მართვით სუნთქვაზეა 3 მოქალაქე. აჭარაში კლინიკურ სასტუმროში იმყოფება 153 ადამიანი, ონლაინკლინიკაში მკურნალობს – 419.
სულ საქართველოში ახალი კორონავირუსის 546 შემთხვევა გამოვლინდა. ქვეყანაში ბოლო 24 საათში ვირუსისგან 1 456 ადამიანი გამოჯანმრთელდა, გარდაიცვალა 17 პაციენტი, ჩატარდა 11 248 ტესტი, მათ შორის, ანტიგენის სწრაფი 4 979 ტესტი, 6 269 პისიარ ტესტი.
საქართველოში ახალი კორონავირუსით ინფიცირების სულ 253 518 შემთხვევაა გამოვლენილი, მათგან 242 085 გამოჯანმრთელდა, 3 055 კი გარდაიცვალა.
დღეს ქვეყანაში გამოვლენილი ინფიცირების 546 ახალი შემთხვევიდან თბილისში დადასტურებულია 285, აჭარაში – 30, იმერეთში – 80, ქვემო ქართლში – 21, შიდა ქართლში – 32, გურიაში – 14, სამეგრელოსა და ზემო სვანეთში – 31, კახეთში – 34, მცხეთა-მთიანეთში – 5, სამცხე-ჯავახეთში – 14, რაჭა-ლეჩხუმსა და ქვემო სვანეთში – 0.
ამ ეტაპზე ინფიცირების მიმდინარე, აქტიური შემთხვევა არის 8 352, საიდანაც, 3 272 ადამიანი მკურნალობს საავადმყოფოში, მათ შორის, თბილისის საავადმყოფოებში – 1 638, აჭარაში – 234, იმერეთში – 640. ამ ეტაპზე მძიმე პაციენტია 697 პირი, მათ შორის, თბილისში – 309, აჭარაში – 49, იმერეთში – 177. ხელოვნური სუნთქვის აპარატზე იმყოფება 195 პირი, მათგან თბილისში – 144, აჭარაში – 3, იმერეთში – 24.
443 ადამიანი მოთავსებულია კლინიკურ სასტუმროებში, მათ შორის, 210 – თბილისში, 153 – აჭარაში, 23 – იმერეთში. 4 637 პირი ვირუსის მკურნალობის კურსს გადის საცხოვრებელ ბინაზე.
საკარანტინე სივრცეებში მოთავსებულია 511 ადამიანი, მათ შორის, თბილისში – 180, აჭარაში – 128, ხოლო იმერეთში – 9. სულ 6 ოქტომბრიდან 23 იანვრის ჩათვლით პერიოდში, სახელმწიფო საზღვრიდან საკარანტინე სივრცეებში გადაყვანილია – 21 837 პირი. ამ ეტაპისთვის თვითიზოლაციაში იმყოფება 20 443 ადამიანი, მათ შორის თბილისში – 12 453 პირი, აჭარაში – 1218, იმერეთში – 2086.