მშობელს, რომელსაც სურს, მისმა სასკოლო ასაკის შვილმა სწავლა დისტანციურ ფორმატში გააგრძელოს, მიმართოს სკოლის ადმინისტრაციას…
ნაირა ფუტკარაძე 27 48 93 –
საქართველოს განათლების მინისტრის მოადგილე ეკატერინე დგებუაძის განცხადებით, 2020-2021 სასწავლო წლის I სემესტრში, უკვე აპრობირებული მეთოდის მსგავსად, მშობლებსა და მოსწავლეებს, კვლავ ეძლევათ შესაძლებლობა, გააკეთონ არჩევანი დასწრებით და დისტანციურად სწავლების ფორმებს შორის. ,,მნიშვნელოვანია, რომ სკოლამ, დასწრებით სწავლების დაწყებისთანავე, უზრუნველყოს ინდივიდუალური ან ჯგუფური მუშაობა იმ მოსწავლეებთან, რომლებიც არ, ან ვერ ერთვებოდნენ დისტანციურ სწავლებაში. ამ ყველაფერთან ერთად, არსებული ვითარების გათვალისწინებით, სამინისტრო სკოლებს დამატებით შესაძლებლობებსაც სთავაზობს. კერძოდ, სამინისტრო 1-ლი თებერვლიდან მოსწავლეთა მშობლებს, 2020-2021 სასწავლო წლის I სემესტრში უკვე აპრობირებული მეთოდის მსგავსად, კვლავ აძლევს შესაძლებლობას, გააკეთოს არჩევანი დასწრებით სწავლებასა და დისტანციური სწავლების ფორმას შორის. თუ მოსწავლის მშობელს რაიმე მიზეზის გამო, აქვს დისტანციურ ფორმატში სწავლის გაგრძელების სურვილი, მათთვის შეთავაზებული იქნება სწავლის დისტანციურ რეჟიმში გაგრძელების შესაძლებლობა. აღნიშნული მიდგომა შეეხება მხოლოდ შემდეგ ქალაქებში – ზუგდიდში, თელავში, ზესტაფონში, გარდაბანში, ფოთში, მარნეულში, ბათუმში, ქობულეთსა და გორში მდებარე საჯარო სკოლებს. თუკი მასწავლებლებს მოუწევთ დისტანციური გაკვეთილების დამატებით ჩატარება, სამინისტროს გადაწყვეტილებით, ისინი შესაბამის დანამატს მიიღებენ” – განაცხადა ეკატერინე დგებუაძემ. მინისტრის მოადგილის განმარტებით, მშობელმა, რომელსაც სურს, მოსწავლემ სწავლება დისტანციურ ფორმატში გააგრძელოს, ამის შესახებ უნდა მიმართოს სკოლის ადმინისტრაციას და გაიაროს რეგისტრაცია სსიპ განათლების მართვის საინფორმაციო სისტემის მიერ შექმნილ ვებგვერდზე 
,,რაც შეეხება მასწავლებელთა ტესტირებას, მინისტრის პირველი მოადგილის განცხადებით, ყველა სკოლაში, სადაც სასწავლო პროცესი საკლასო ოთახში წარიმართება, მოხდება მასწავლებელთა და სკოლის ადმინისტრაციული პერსონალის მინიმუმ 20%-ის სავალდებულო სისტემატური ტესტირება 2 კვირაში ერთხელ ჯანდაცვის სამინისტროსთან ერთად შემუშავებული პროტოკოლის საფუძველზე. სავალდებულო ტესტირების უზრუნველყოფის მიზნით, უნდა მოხდეს სკოლაში დასაქმებული ყველა პირის რეგისტრაცია ბმულზე: https:
რასაც სკოლები თავად უწევენ ორგანიზებას. აღნიშნული პროცესი სკოლებში უკვე დაწყებულია” – განაცხადა ეკატერინე დგებუაძემ.
