რა საკითხებით მივიდა შარლ მიშელი ოპოზიციასა და მმართველ გუნდს შორის გამართულ შეხვედრაზე?

ნათია იმნაიშვილი: 27 48 93 –

გუშინ, ორბელიანების სასახლეში, პრეზიდენტის რეზიდენციაში ოპოზიციისა და ხელისუფლების წარმომადგენლების შეხვედრა გაიმართა ევროპული საბჭოს პრეზიდენტის შარლ მიშელის ინიციატივით.

როგორც გაირკვა, შეხვედრაზე მხარეები შეთანხმდნენ 6-პუნქტიან დღის წესრიგზე, რომელიც დიალოგის ფარგლებში სამომავლოდ უნდა განიხილონ.

6 საკითხი, რომელიც შარლ მიშელმა ოპოზიციისა და მმართველ გუნდს შორის გამართულ შეხვედრაზე მიიტანა:

1. ამბიციური საარჩევნო რეფორმა – რეფორმები დემოკრატიის კონსოლიდაციისთვის საქართველოში;
2. კანონის უზენაესობა/სასამართლოს რეფორმა:

• უზენაესი სასამართლოს მოსამართლეების დანიშვნის საკითხი;
• იუსტიციის უმაღლეს საბჭოში არჩევნები;
• რეფორმები კორუფციის წინააღმდეგ ბრძოლის გასაძლიერებლად;

3. პოლიტიზირებული მართლმსაჯულების საკითხის გადაწყვეტა/პატიმრების საკითხი;
4. პარლამენტში ძალაუფლების განაწილება:

• საგამოძიებო კომისია;
• როლებისა და პასუხისმგებლობის სამართლიანად გადანაწილება პარლამენტში;

5. პოტენციური ვადამდელი არჩევნები/მზადება მომავალი თვითმმართველობის არჩევნებისთვის;
6. ფასილიტაცია/მედიაცია/საკითხის შემდგომი განხილვა მარტში;

შეხვედრას „ქართული ოცნებიდან“ მხოლოდ პრემიერ-მინისტრი ირაკლი ღარიბაშვილი ესწრებოდა. მასში მონაწილეობა არ მიუღია პრეზიდენტ სალომე ზურაბიშვილს.

სულ ნანახია

391

დღეს ნანახია

1