თავდაცვის მინისტრი აჭარაში სპეციალური ოპერაციების ბატალიონის ბაზაზე მიმდინარე ინფრასტრუქტურულ სამუშაოებს გაეცნო
საქართველოს თავდაცვის მინისტრი ჯუანშერ ბურჭულაძე თავდაცვის ძალებში მიმდინარე ინფრასტრუქტურულ სამუშაოებს ეცნობა. უწყების ხელმძღვანელი თავდაცვის ძალების მეთაურთან, გენერალ-მაიორ გიორგი მათიაშვილთან ერთად, ამჯერად აჭარის რეგიონში მდებარე სპეციალური ოპერაციების ბატალიონის ბაზაზე დასრულებულ და მიმდინარე ინფრასტრუქტურულ სამუშაოებს გაეცნო.
მინისტრმა უკვე გარემონტებული ანგარი დაათვალიერა და სამშენებლო-სარემონტო სამუშაოს მიმდინარეობის შესახებ ინფორმაცია მოისმინა. ბაზაზე ამჟამად არსებული სასადილოს კაპიტალური რემონტი და გადახურვის სამუშაო მიმდინარეობს.
ინფრასტრუქტურის განახლების ფარგლებში, ბაზის ტერიტორიაზე უკვე გარემონტდა სპორტული დარბაზი, რომელიც უახლესი სპორტული ინვენტარით აღიჭურვა, ასევე, მოეწყო სველი წერტილები. ამ ეტაპზე კეთილეწყობა სტადიონი და იგება ბალახის საფარი.
სამხედრო ბაზაზე ინფრასტრუქტურული სამუშაოები წელს დასრულდება.
ელენე საყვარელიძე
