აჭარის ჩემპიონატები – ჭადრაკში
მანანა ძიძიშვილი: 598 24 94 97 –
აჭარის ჭადრაკის ფედერაციისა და აჭარის სპორტის დეპარტამენტის ორგანიზებით, ბათუმის სასპორტო სკოლის საჭადრაკო დარბაზში გაიმართა აჭარის ჩემპიონატები ჭადრაკში 10, 14, 18 წლამდე ჭაბუკთა და გოგონათა შორის.
ტურნირები 7 ტურად ჩატარდა 10 წლამდე გოგონათა შორის წრიული, დანარჩენ ორ კატეგორიაში კი შვეიცარიული სისტემით. დროის კონტროლი: 60 წუთი პარტიის ბოლომდე, პირველივე სვლიდან 30 წამის დამატებით.
ათ წლამდე მოჭადრაკეთა შორის პირველი ადგილები დაისაკუთრეს კონსტანტინე ლორთქიფანიძემ (ხელვაჩაური) და ანეტა ქედელიძემ (ბათუმი).
14 წლამდე ასაკობრივ ჯგუფში გაიმარჯვეს გიორგი გოგიაშვილმა და მარიამ კალანდაძემ (ორივე – ბათუმიდან).
18 წლამდე ასაკობრივ კატეგორიაში პირველი ადგილი დაისაკუთრეს გოგა ლორთქიფანიძემ და დეა ბედოშვილმა (ბათუმი).
სამივე საპრიზო ადგილზე გასული სპორტსმენები დაჯილდოვდნენ მედლებითა და სიგელებით, ჩემპიონებმა თასებთან ერთად 2021 წლის საქართველოს ჩემპიონატის საგზური და დაფინანსება მოიპოვეს.
სულ ასპარეზობებზე სხვადასხვა სინჯის 18 მედალი გათამაშდა. წარმატებულად იასპარეზეს რეგიონის მოჭადრაკეებმა. ხულოს წარმომადგენლებმა ორი ბრინჯაოს მედალი მოიპოვეს, ხელვაჩაურელებმა – თითო-თითო ოქრო და ვერცხლი, ქობულეთელებმა – ორი ვერცხლი, ქედელმა – ბრინჯაო.
ტურნირის მთავარი მსაჯი საქართველოს დამსახურებული მწვრთნელი ლეონიდ ნეურონოვი გახლდათ, დირექტორი – სალომე მელია.
