აჭარაში კორონავირუსის 120 ახალი შემთხვევა გამოვლინდა, გარდაიცვალა 3 პაციენტი
მარიამ ხითარიშვილი 27 48 93 –
13 სექტემბრის მონაცემებით, აჭარაში კოვიდი კიდევ 120 ადამიანს დაუდასტურდა. გასული 24 საათის განმავლობაში რეგიონში კორონავირუსისგან გამოჯანმრთელდა 263 პაციენტი, გარდაიცვალა – 3. ბოლო მონაცემებით, აჭარის მასშტაბით საავადმყოფოებში მკურნალობს 719 პაციენტი, კრიტიკულია 29 მათგანის მდგომარეობა, კოვიდ სასტუმროებშია მოთავსებული – 429, ონლაინკლინიკიდან იმართება 3417 პირი.
ბოლო 24 საათში საქართველოში 17 192 ტესტი ჩატარდა. ქვეყანაში კორონავირუსის 946 ახალი შემთხვევა დაფიქსირდა, გარდაიცვალა 48 პაციენტი. დაავადებათა კონტროლის ეროვნული ცენტრის ინფორმაციით, გამოჯანმრთელდა 4351 პირი. 12 სექტემბრის მდგომარეობით, დადებითობის დღიური მაჩვენებელი არის 5.50%, ბოლო 14 დღის – 7.81% ხოლო 7 დღის – 7.36%.
დღეს ქვეყანაში გამოვლენილი ინფიცირების 946 ახალი შემთხვევიდან თბილისზე მოდის 324 შემთხვევა, აჭარაშია – 120, იმერეთში – 133, ქვემო ქართლში – 38, შიდა ქართლში – 36, გურიაში – 33, სამეგრელო – ზემო სვანეთში – 99, კახეთში – 95, მცხეთა-მთიანეთში – 32, სამცხე-ჯავახეთში – 20, რაჭა-ლეჩხუმსა და ქვემო სვანეთში – 16. ამ ეტაპზე ინფიცირების მიმდინარე აქტიური შემთხვევაა 27 595, საიდანაც 6 186 ადამიანი მკურნალობს საავადმყოფოებში, მათ შორის, თბილისის საავადმყოფოებში – 2 583, აჭარაში – 714, იმერეთში – 1 076. ამ ეტაპზე მძიმე პაციენტია 1 419 პირი, მათ შორის, თბილისში – 576, აჭარაში – 170, იმერეთში – 351. ხელოვნური სუნთქვის აპარატზე იმყოფება 363 პირი, მათგან თბილისში – 209, აჭარაში – 35, იმერეთში – 25. 1 611 ადამიანი მოთავსებულია კლინიკურ სასტუმროებში, მათ შორის 924 – თბილისში, 429 – აჭარაში. 19 798 პირი ვირუსის მკურნალობის კურსს გადის საცხოვრებელ ბინაზე. საკარანტინე სივრცეებში მოთავსებულია 85 ადამიანი, მათ შორის, თბილისში – 81, ხოლო აჭარაში – 4. სულ 6 ოქტომბერ-12 სექტემბრის პერიოდში სახელმწიფო საზღვრიდან საკარანტინე სივრცეებში გადაყვანილია 25 146 პირი. თვითიზოლაციაში იმყოფება – 24 097.
