მოსწავლეთა ფსიქიკური ჯანმრთელობის მხარდასაჭერად
გაეროს ბავშვთა ფონდი საქართველოში აჭარის განათლების, კულტურისა და სპორტის სამინისტროს მხარდაჭერით, აჭარაში ახორციელებს პროექტს „მოსწავლეთა ფსიქიკური ჯანმრთელობის მხარდაჭერა, როდესაც ისინი ბრუნდებიან სკოლაში კოვიდ D-19-ის დროს“.
პროექტით დაგეგმილი აქტივობები ითვალისწინებს თანასწორგანმანათლებელთა პრაქტიკის პილოტირებას და დანერგვას. აღნიშნული პრაქტიკა ეფუძნება თანატოლების მიერ ცოდნისა და გამოცდილების გადაცემას და ხელს უწყობს ურთიერთზრუნვის კულტურის განვითარებას.
პროექტის ფარგლებში 20 მოსწავლეა შერჩეული ბათუმის, ქობულეთის და ხელვაჩაურის საჯარო სკოლებიდან, რომლებიც გაივლიან მოსამზადებელ ტრენინგს შემდეგ საკითხებზე: ფსიქიკური ჯანმრთელობა და კეთილდღეობა; პანდემიის გავლენა ახალგაზრდების ფსიქიკურ ჯანმრთელობაზე; სტრესის და შფოთვის მართვა; მდგრადობა და დაძლევის უნარი; ჯანსაღი ძილი, ჯანსაღი ცხოვრების წესი.
დატრენინგებული ახალგაზრდები ჩაატარებენ 20 სემინარს სკოლებში და ფსიქიკური ჯანმრთელობის შესახებ ინოფორმაციას 800 ახალგაზრდას მიაწოდებენ.
