სამშენებლო ამნისტია – ბათუმში
დარინა გაბაიძე 514 22 22 80 –
ბათუმში, სანებართვო პირობების დარღვევით წარმოებული მშენებლობის ექსპლუატაციაში მიღებასთან დაკავშირებით ამნისტია გამოცხადდა. დროებითი წესი საქართველოს პარლამენტმა 2 წლის ვადით დაამტკიცა. გადაწყვეტილება იმ ობიექტებს ეხება, რომელთა მშენებლობა 2022 წლის 26 სექტემბრამდეა დასრულებული.
დაინტერესებულმა პირმა ექსპლუატაციის მოთხოვნასთან დაკავშირებით, განცხადებით ბათუმის მუნიციპალურ ინსპექციას უნდა მიმართოს. სამშენებლო სამართალდამრღვევი, რომელსაც აღნიშნული მუხლის ამოქმედებამდე სამართალდარღვევის ჩადენისთვის პასუხისმგებლობა დაეკისრა და ჯარიმის თანხა გადახდილი არ აქვს, აღნიშნული ვალდებულებისგან თავისუფლდება, აგრეთვე, წყდება სამშენებლო სამართალდარღვევის საქმის წარმოება. ბათუმის მუნიციპალურ ინსპექციას მიმდინარე წელს ექსპლუატაციაში მიღების მოთხოვნით 66-მა ობიექტმა მიმართა.
– დროებითი წესი ითვალისწინებს იმ ობიექტებისექსპლუატაციაში მიღებას, რომელთა მშენებლობა წარმოებულია აღნიშნული პროექტის დარღვევით, ამასთანავე, აღნიშნული დროებითი წესი შეეხება ინდივიდუალურ საცხოვრებელ სახლებს, რომელთა მშენებლობა განხორციელებულია უნებართვოდ, თუმცა არ ცდება მეორე კლასის მახასიათებლებს. მოქალაქეებს შეუძლიათ მოგვმართონ დეტალური ინფორმაციისათვის, – განაცხადა ბათუმის მუნიციპალური ინსპექციის ექსპლუატაციის განყოფილების უფროსმა თენგიზ ბოლქვაძემ.
