6 სარაკეტო იერიში ზაპოროჟიეზე და რუსეთის არმიის საბრძოლო დანაკარგები
მარიამ ხითარიშვილი 27 48 93 –
რუსულმა ძალებმა გუშინ, ღამით ზაპოროჟიეზე 6 სარაკეტო იერიში მიიტანეს, არიან დაღუპულები და დაშავებულები, – ინფორმაციას უკრაინული მედია ავრცელებს. ზაპოროჟიეს საკრებულოს მდივნის, ანატოლი კურტევის განცხადებით, ერთ-ერთი დარტყმა ქალაქის ცენტრალურ ნაწილში მდებარე მაღალსართულიან შენობაზე განხორციელდა.
„ამ დროისთვის ცნობილია ორი დაღუპულისა და ოთხი დაშავებულის შესახებ. კიდევ სამი ადამიანი დაკარგულად ითვლება“, – აცხადებს კურტევი.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან რუსეთის არმიის საბრძოლო დანაკარგი არის: ცოცხალი ძალა – დაახლოებით 290 680 ადამიანი (გასულ დღე-ღამეში +630); ტანკი – 4 992 ერთეული, ჯავშანტექნიკა – 9 437 ერთეული; საარტილერიო სისტემა – 6 983 ერთეული; საზენიტო საბრძოლო სისტემა – 548 ერთეული; თვითმფრინავი – 320 ერთეული; ვერტმფრენი – 324 ერთეული; უპილოტო საფრენი აპარატის ოპერატიულ-ტაქტიკური დონე – 5 318 ერთეული; ფრთოსანი რაკეტა – 1 534 ერთეული; გემი/ნავი – 20 ერთეული; წყალქვეშა ნავი – 1 ერთეული; მანქანები და საწვავის ავზები – 9 337 ერთეული; სპეცტექნიკა – 985 ერთეული.
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
