აჭარის ჯანმრთელობისა და სოციალური დაცვის სამინისტრო მოსახლეობას მიმართავს

კორონავირუსის შემთხვევათა დროული გამოვლენის მიზნით, აჭარის  ჯანმრთელობისა და სოციალური დაცვის სამინისტროს რეკომენდაციით, ბათუმის პოლიკლინიკები კოვიდ-19-ზე უფასო პისიარ ტესტირებას უქმე დღეებში – 5 და 6 სექტემბერსაც ჩაატარებენ. ტესტირება ნებისმიერ მოქალაქეს  შეეძლება 1-ელ და მე-4 პოლიკლინიკებში, საოჯახო მედიცინის რეგიონულ ცენტრში, თამარის დასახლების საოჯახო მედიცინის ცენტრში და ევექსის ბათუმის ამბულატორიაში 10-დან 17:00 საათამდე. საჭიროების შემთხვევაში, ამავე პოლიკლინიკებში მიიღებენ ექიმის კონსულტაციას. კვლევა ჩვეულ რეჟიმში გაგრძელდება კარვებში, ბათუმის ბულვარის სამ ლოკაციაზე – კოლონადებთან, ანბანის კოშკთან და აჭარულის სახლის მიმდებარე ტერიტორიაზე, ქობულეთის მუნიციპალიტეტში – მერიის შენობის მიმდებარედ. აქ მოქალაქეებს 11:00-დან 23:00 საათამდე მოემსახურებიან.

აჭარის ჯანმრთელობისა და სოციალური დაცვის სამინისტრო მოსახლეობას მიმართავს, ისარგებლონ კორონავირუსზე უფასო პისიარ ტესტირებით და ვირუსისთვის დამახასიათებელი სიმპტომების გამოვლენის შეთხვევაში, დაუყოვნებლივ მიმართონ შესაბამის დაწესებულებებს.