აჭარაში ინფიცირების ახალი შემთხვევა ბოლო ხუთი დღის განმავლობაში არ ყოფილა

აჭარის ჯანდაცვის სამინისტროს პრესსამსახურის ინფორმაციით, რეგიონში ბოლო ხუთი დღეა, კოვიდ-19-ის ახალი შემთხვევა არ დაფიქსირებულა.
მათივე ცნობით, გასული დღე-ღამის განმავლობაში ბათუმის ლაბორატორიებმა 140 პირის სინჯი გამოიკვლიეს. ყველა პასუხი კოვიდ-19-ზე უარყოფითია.
რეგიონში ტესტირება 5 000-ზე მეტ პირს ჩაუტარდა, მათ შორის 1 000-მდე სამედიცინო პერსონალია.
ბოლო მონაცემებით, საქართველოში ახალი კორონავირუსით ინფიცირებულთა რაოდენობა 604-მდე გაიზარდა. მათგან, გამოჯანმრთეელდა 240 პაციენტი, გარდაცვლილია 9 ადამიანი.
კარანტინის რეჟიმში 5260 პირია, სტაციონარში მეთვალყურეობის ქვეშ – 553