გულებში მოსახლეობას ბუნებრივი აირი მიეწოდება

თამაზ მგზავრიძე 274894

ქედის მუნიციპალიტეტის თვითმმართველობის ხელმძღანელები ხშირად ხვდებიან სოფლებისა და დასახლებული უბნების მოსახლეობის წარმომადგენლებს, ისმენენ მათ წინადადებებს, პრობლემებს და მათი დაძლევის გზებს სახავენ. ამჯერად,  მუნიციპალიტეტის მერი როლანდ ბერიძე, დაბის ადმინისტრაციული ერთეულის წარმომადგენელთან ერთად, სოფელ გულების მოსახლეობას შეხვდა.

ისინი ადგილზე გაეცნენ არსებულ სიტუაციას, მოისმინეს მოსახლეობის წინადადებები. საუბარი შეეხო სოფელში განსახორციელებელ ინფრასტრუქტურულ პროექტებსა და გაზიფიკაციის საკითხს. აღსანიშნავია, რომ გულებში გაზის შიდა დაქსელვის სამუშაოები მიმდინარეობს და რამდენიმე ოჯახს უკვე მიეწოდება ბუნებრივი აირი.

თავის მხრივ, როლანდ ბერიძემ მოსახლეობას სიახლეების, დაგეგმილი ღონისძიებების და პროგრამების შესახებ მიაწოდა ინფორმაცია.