დევნილთა და ეკომიგრანტთა სააგენტო სტიქიური მოვლენების შედეგად დაზარალებულ კიდევ 235 ოჯახს სახლებს შეუსყიდის

ჯანდაცვის სამინისტროს ინფორმაციით, ეკომიგრანტი ოჯახები სახლებს საქართველოს ნებისმიერ რეგიონში თავადვე შეარჩევენ, რისთვისაც მათ ექვსთვიანი ვადა ეძლევათ.

„სტიქიური მოვლენების შედეგად დაზარალებული ოჯახებისთვის უსაფრთხო საცხოვრებელი გარემოს შექმნა კვლავ რჩება ერთ-ერთ მნიშვნელოვან პრიორიტეტად. 2025 წელს სააგენტომ მთელი ქვეყნის მასშტაბით 500-ზე მეტი ეკომიგრანტი ოჯახი განასახლა. 2026 წელს ამ მიმართულებით მუშაობა კიდევ უფრო აქტიურად გაგრძელდება“, – ნათქვამია საქართველოს ჯანდაცვის სამინისტროს ინფორმაციაში.