By
პრეზიდენტი ფერისცვალების დღესასწაულთან დაკავშირებით ბახმაროში საზეიმო ლიტურგიას დაესწრო
ფერისცვალების დღესასწაულთან დაკავშირებით, ბახმაროში საზეიმო ლიტურგიას საქართველოს პრეზიდენტი მიხეილ ყაველაშვილი შვილებთან ერთად დაესწრო. ინფორმაციას პრეზიდენტი სოციალურ ქსელში ავრცელებს.
„ჩვენი ქვეყნის ამ ერთ-ერთი ულამაზესი კუთხიდან სრულიად საქართველოს ვულოცავ ფერისცვალების დღესასწაულს “, – წერს პრეზიდენტი სოციალურ ქსელში.
ბახმაროში, ფერისცვალების სახელობის ტაძარში საზეიმო წირვა-ლოცვა შემოქმედელმა მიტროპოლიტმა მეუფე იოსებმა აღავლინა.
სადღესასწაულო ლიტურგიაზე გურიის მხარეში სახელმწიფო რწმუნებული გიორგი ღურჯუმელიძე, ადგილობრივი ხელისუფლების წარმომადგენლებთან ერთად იმყოფებოდა.