By
რიყეთში სპორტული მოედანი შეაკეთეს
ხულოს რაიონის სოფელ რიყეთში სპორტული მოედნის შეკეთება დაასრულეს. პროექტის შესრულებაზე ადგილობრივი ბიუჯეტიდან 149 ათასამდე ლარი იყო მობილიზებული. ამ თანხით დაიგო ხელოვნური საფარი. დამონტაჟდა კალათბურთის ფარები, მოეწყო განათება, დაიდგა საფეხბურთო კარები, კეთილმოეწყო სტადიონის გარე ტერიტორია.
რიყეთელებს სიახლე ხულოს მუნიციპალიტეტის მერის მოვალეობის შემსრულებელმა ჯამბულატ მელაძემ მიულოცა.
– წელს შეკეთდება პანტნარის, წაბლიანის, დანისპარაულის, ქედლების, თაგოს, საციხურის სპორტული მოედნები. ასევე, ახალი სპორტული მოედნები მოეწყობა ვაშლოვანის და თეთრობის მთებში, რაც ხელს შეუწყობს ჯანსაღი ცხოვრების წესის პოპულარიზაციას, – გვითხრა ჯამბულატ მელაძემ.
თამაზ მგზავრიძე