By
საერთაშორისო ტურისტულ გამოფენებზე აჭარის პოპულარიზაცია გრძელდება
აჭარის ტურისტულ შესაძლებლობებს უზბეკეთში, „ტაშკენტის საერთაშორისო ტურისტული გამოფენა – 2023“-ზე გაეცნენ. აჭარის სტენდთან ვიზიტიორებს ჩვენს რეგიონში და ზოგადად, საქართველოში მოგზაურობის შესახებ დეტალური ინფორმაციის მიღება შეეძლოთ.
აჭარის ტურიზმისა და კურორტების დეპარტამენტის წარმომადგენლებმა, გამოფენის ფარგლებში, საქმიანი შეხვედრები გამართეს მსხვილი ტურისტული, მარკეტინგული და ტურიზმის ასოციაციების, ავიაკომპანიების წარმომადგენლებთან. დეპარტამენტის ცნობით, შეხვედრებში აქტიურად იყო ჩართული უზბეკეთში საქართველოს საელჩო.