საპენსიო სქემაში მილიონ 715 ათასი ადამიანია გაწევრიანებული

საქართველოს საპენსიო ფონდი 2026 წლის 31 იანვრის ჩათვლით, სტატისტიკურ მონაცემებს აქვეყნებს. ფონდის ცნობით, საპენსიო სქემაში გაწევრიანებულ მონაწილეთა რაოდენობა მილიონ 715 ათასი ადამიანია. 2026 წლის 31 იანვრის მდგომარეობით, დაგროვებითი პენსიით ისარგებლა 27,643-მა პირმა, მათზე პენსიის სახით გაიცა 129,544,402.18 ლარი.

იანვრის ბოლოსთვის საქართველოს საპენსიო ფონდის აქტივებმა 8.5 მილიარდ ლარს გადააჭარბა, ხოლო დაგენერირებულმა ამონაგებმა 2.4 მილიარდ ლარს მიაღწია.

ამასთან, საპენსიო ფონდი საინვესტიციო პორტფელების 2026 წლის იანვრის შედეგებს ავრცელებს.

იანვარში საპენსიო ფონდის პორტფელებმა მაღალი ზრდა დააფიქსირა, რასაც ხელი შეუწყო საერთაშორისო აქციების ბაზარზე არსებულმა დადებითმა დინამიკამ. 2026 წელი საკმაოდ კარგად დაიწყო საპენსიო ფონდის ყველა პორტფელისთვის, რომელშიც ტრადიციულად ლიდერობდა დინამიკური პორტფელი:

დინამიკური – 2.76%

დაბალანსებული – 2.06%

კონსერვატიული – 1.49%

ამასთან, დინამიკური პორტფელი შექმნის დღიდან (2023 წლის 6 აგვისტო) გაწლიურებული შემოსავლის მიხედვითაც ლიდერობს და მისი შემოსავლიანობა 15.0%-ს უტოლდება, ხოლო დაბალანსებული და კონსერვატიული პორტფელებისათვის შესაბამისი მაჩვენებლები 13.5% და 12.1%-ს შეადგენს. იანვრის ბოლოსთვის, საქართველოს საპენსიო ფონდის აქტივებმა 8.5 მილიარდ ლარს გადააჭარბა, ხოლო დაგენერირებულმა შემოსავლიანობამ 2.4 მილიარდ ლარს მიაღწია.