საქართველოსა და სერბეთში საელჩოები გაიხსნება

„საქართველოს პრეზიდენტის ვიზიტი არის პირველი სერბეთში. დარწმუნებული ვარ, რომ ეს მნიშვნელოვან წვლილს შეიტანს ჩვენს ქვეყნებს შორის დიპლომატიურ ურთიერთობებში. მხარეები შეთანხმდნენ, რომ ახლო მომავალში საელჩოები გაიხსნება საქართველოსა და სერბეთში. ქვეყნებს შორის მიმდინარეობს ეკონომიკური ურთიერთობების გაღრმავება. ამ ფორმატში უკვე დაწყებულია მოლაპარაკებები და კონსულტაციები და ვფიქრობ, აღნიშნული ვიზიტი კიდევ უფრო გააძლიერებს ამ ძალისხმევას“, – განაცხადა საქართველოს პრეზიდენტის სერბეთში ვიზიტზე საუბრისას საქართველოს ელჩმა სერბეთში ლევან ბერიძემ.