ტიტე აროშიძე უნივერსიტეტის მხიარულთა და საზრიანთა გუნდის წევრებს შეხვდა

ბათუმის სახელმწიფო უნივერსიტეტის რექტორი ტიტე აროშიძე უნივერსიტეტის მხიარულთა და საზრიანთა გუნდის წევრებს შეხვდა და მიღწეული წარმატებისთვის მადლობის სიგელებით დააჯილდოვა. ინფორმაციას ბსუ-ის ადმინისტრაცია ავრცელებს.
ბსუ-ის მხიარულთა და საზრიანთა გუნდი ,,ქართული ლიგა 2025“-ში მონაწილეობდა, სადაც საქართველოში არსებული უმაღლესი საგანმანათლებლო დაწესებულებებიდან 21 საუნივერსიტეტო გუნდი ასპარეზობდა. ფინალურ ტურში, 31 მაისს, ბსუ-ის გუნდმა საუკეთესო შეფასება დაიმსახურა და გამარჯვება მოიპოვა.
ბსუ-ის მხიარულთა და საზრიანთა გუნდი სხვადასხვა ფაკულტეტის სტუდენტებს აერთიანებს. ისინი ასპარეზობენ სხვადასხვა ღონისძიებაში, მათ შორის, ახალგაზრდობის სააგენტოს კონკურსში „სტუდფესტი-2025“, სადაც მეორე ადგილი დაიკავეს.