,,ქართული ხმები – მიძღვნა დიდ ბიჭებს“
აჭარის კულტურის სამინისტროს მხარდაჭერით, ბათუმის სახელმწიფო დრამატულ თეატრში, ანსამბლ ,,ქართული ხმების” სოლო კონცერტი გაიმართა. ანსამბლი მსმენელის წინაშე პროექტით ,,ქართული ხმები – მიძღვნა დიდ ბიჭებს” წარსდგა.
მუსიკალური საღამო ლეგენდარული ,,ქართული ხმების“ უფროს თაობას – დამაარსებლებს, გამორჩეულ წევრებსა და მასწავლებლებს მიეძღვნა, თაობას, რომელიც წლების განმავლობაში ქმნიდა და ამდიდრებდა ქართულ საესტრადო მუსიკას.
ანსამბლი მსმენელის წინაშე განახლებული რეპერტუარით – ყველასათვის კარგად ნაცნობი და ახალი სიმღერებით წარსდგა. მაყურებელს საშუალება ჰქონდა სცენაზე დამონტაჟებული ეკრანიდან, ვიდეო ფილმების საშუალებით, გაეხსენებინა ლეგენდარული არტისტები და მუსიკოსები – თემურ ქევხიშვილი, ზაურ ბოლქვაძე, გია ჭირაქაძე, გოგი დოლიძე, დათო გოგიაშვილი, გურამ თამაზაშვილი, ანზორ ერქომაიშვილი…
პროექტის მიზანია ქართული, ტრადიციული პოლიფონიური, ქალაქური და ხალხური სიმღერების დაცვა, განვითარება და მომავალ თაობაში პოპულარიზაცია.