By
შეხვედრა ქედაში
ახალგაზრდობის რეგიონული ცენტრის წარმომადგენლები ქედის მუნიციპალიტეტის სოფელ დოლოგნის საჯარო სკოლას ეწვივნენ.
ცენტრის ინფორმაციით, საინფორმაციო შეხვედრების მიზანია ახალგაზრდებისთვის ცენტრის საქმიანობის გაცნობა და პროექტებში ჩართულობის გაზრდა.
შეხვედრები აჭარის რეგიონში რეგისტრირებულ ყველა საჯარო და კერძო სკოლაში ეტაპობრივად გაიმართება და აჭარის მუნიციპალიტეტებში მცხოვრებ ახალგაზრდებს მიეწოდება ინფორმაცია იმ ღონისძიებებისა და შესაძლებლობების შესახებ, რომელსაც მათ ახალგაზრდობის რეგიონული ცენტრი სთავაზობს.