აჭარაში ელჭექის ხასიათის წვიმაა მოსალოდნელი

გარემოს ეროვნული სააგენტოს ინფორმაციით, 13-14 ივნისს აჭარაში მოსალოდნელია დროგამოშვებით ღრუბლიანობის მომატება, ღამით ზოგან, დღისით – უმეტეს რაიონში, ელჭექის ხასიათის წვიმა. იქროლებს დასავლეთის მიმართულების ქარი 10-15 მეტრი წამში. ჰაერის ტემპერატურა სანაპირო ზოლში და მთიან რაიონებში: დღისით: 21-26 გრადუსი სითბო, ღამით: 15-20 გრადუსი სითბოა ნავარაუდები.
ზღვის ღელვა – 2-3 ბალი; ზღვის წყლის ტემპერატურა +22 გრადუსია.
სინოპტიკოსების ცნობით, 15 და 16 ივნისს აჭარაში მოსალოდნელია ელჭექის ხასიათის წვიმა, ზოგან შესაძლებელია ძლიერი.