აგვისტოში 54 სამართალდარღვევის ფაქტი გამოვლინდა

ეროვნული სატყეო სააგენტოს თანამშრომლების მიერ 2025 წლის იანვრიდან დღემდე, ქვეყნის მასშტაბით სახელმწიფო ტყის ფონდის თვითნებურად დაკავების 54 ფაქტი გამოვლინდა.

სამართალდარღვევებიდან 46 ფაქტი ხე-ტყის უკანონო მოპოვება და ტრანსპორტირებაა. ამოღებულია უკანონოდ მოპოვებული სხვადასხვა სახეობის 158 კუბურ მეტრამდე ხე-ტყე, რომელიც სააგენტოს „საქმიან ეზოებში“ დასაწყობდა.

ქვეყნის მასშტაბით, ხე-ტყის უკანონოდ მოპოვების 46 ფაქტიდან, ერთი სამართალდარღვევა გამოვლენილია იმერეთის სატყეო სამსახურის თანამშრომლების მიერ, 7 – სამცხე-ჯავახეთის, 13 – გურიის, 7 – ქვემო ქართლის, 10 – კახეთის, 1 – მცხეთა-მთიანეთის, 5 – შიდა ქართლის და 2 – რაჭა-ლეჩხუმი-ქვემო სვანეთის სატყეო სამსახურის თანამშრომლების მიერ.

ამას გარდა, აგვისტოში სახელმწიფო ტყის ფონდის თვითნებურად დაკავების 8 ფაქტი გამოვლინდა. აქედან 1 – სამცხე-ჯავახეთის, 1 – ქვემო ქართლის, 5 – შიდა ქართლის, ხოლო 1 რაჭა-ლეჩხუმი-ქვემო სვანეთის სატყეო სამსახურების თანამშრომლების მიერ.

2025 წლის იანვარ-აგვისტოს, ჯამში, ქვეყნის მასშტაბით ხე-ტყის უკანონო მოპოვებისა და ტრანსპორტირების 418 ფაქტია გამოვლენილი. „საქმიან ეზოებში“ დასაწყობებული რესურსის მოცულობამ 1093 კუბური მეტრი შეადგინა.