აჭარის მთავარი სამმართველოს თანამშრომლებმა ბათუმში ძებნილი პირი დააკავეს

შინაგან საქმეთა სამინისტროს ცენტრალური კრიმინალური პოლიციის დეპარტამენტის აჭარის მთავარი სამმართველოს თანამშრომლებმა ნარკოდანაშაულის ბრალდებით ძებნილი, 1999 წელს დაბადებული მ.დ. ბათუმში დააკავეს.

შინაგან საქმეთა სამინისტროს ინფორმაციით, მსჯავრდებული საქართველოს უზენაესი სასამართლოს განჩინების საფუძველზე, 2025 წლის 18 დეკემბრიდან, ნარკოტიკული საშუალების უკანონო რეალიზაციის ხელშეწყობის ბრალდებით იძებნებოდა. მათივე ცნობით, დაკავებული ამჟამად პენიტენციურ დაწესებულებაშია მოთავსებული.