პენიტენციურ დაწესებულებებში ამანათების მიღება იწყება

აღდგომის დღესასწაულთან დაკავშირებით, სპეციალური პენიტენციური სამსახურის დაქვემდებარებაში არსებული ყველა პენიტენციური დაწესებულება ბრალდებულებისთვის ან მსჯავრდებულებისთვის ამანათების მიღებას იწყებს.

„კვების პროდუქტების ჩამონათვალი, რომელთა მიღების უფლებაც ბრალდებულს/მსჯავრდებულს ამანათის სახით აქვს: ხორცი შემწვარი ან მოხარშული 3 კგ; ქათამი – ერთი ცალი მოხარშული და ერთი ცალი შემწვარი; ყველი – 2 კგ; ხაჭაპური და ლობიანი 3-3 ცალი; პასკა – ორი ცალი, წითელი კვერცხი – 10 ცალი; უკრემო ნამცხვარი; კიტრი და პომიდორი 3-3 კგ.

დამატებითი ინფორმაციის მიღება შესაძლებელია სპეციალური პენიტენციური სამსახურის ცხელი ხაზის – 1500 მეშვეობით. სპეციალური პენიტენციური სამსახური უზრუნველყოფს ამანათების მიღების პროცესის შეუფერხებელ წარმართვას“, – ნათქვამია უწყების მიერ გავრცელებულ ინფორმაციაში.

პენიტენციურ დაწესებულებებში ამანათების მიღება 8-9 აპრილს 10:00 საათიდან 18:00 საათამდე იქნება შესაძლებელი.