მინისტრის მოადგილე ქობულეთის საჯარო სკოლებში მიმდინარე ინფრასტრუქტურულ სამუშაოებს გაეცნო
აჭარის განათლებისა და სპორტის მინისტრის პირველი მოადგილე ჯემალ სურმანიძე, ქობულეთის მუნიციპალიტეტის საჯარო სკოლებში მიმდინარე ინფრასტრუქტურულ სამუშაოებს გაეცნო.
წყავროკასა და კვირიკეს №2 საჯარო სკოლებში შენობების სრული შიდა სარეაბილიტაციო სამუშაოები მიმდინარეობს. წყავროკას სკოლაში დაგეგმილია სახურავისა და ფასადის განახლება, ასევე, ეზოსა და ღობის კეთილმოწყობა. კვირიკეს №2 საჯარო სკოლაში სრულად განახლდა სახურავი, ფასადი და მოეწყო ღია სპორტული მოედანი.
პარალელურად, სასკოლო სპორტული ინფრასტრუქტურის განვითარების მიზნით, სამუშაოები სამ საჯარო სკოლაში მიმდინარეობს.
ქობულეთის №1 საჯარო სკოლაში მოეწყობა ღია სპორტული მოედანი და რეაბილიტაცია ჩაუტარდება არსებულ ღობეს.
საჩინოს საჯარო სკოლაში, ღია სპორტულ მოედანთან ერთად, უსაფრთხოების მიზნით, ფერდსამაგრი საყრდენი კედელი შენდება,
სოფელ ჩაისუბნის №2 საჯარო სკოლაში კი ახალი ღია სპორტული მოედნის მოწყობის პროცესი დასრულების ეტაპზეა.