უახლოეს დღეებში შედარებით გრილი ამინდია მოსალოდნელი

საქართველოში უახლოეს დღეებში შედარებით გრილი და ცვალებადი ამინდია მოსალოდნელი. გარემოს ეროვნული სააგენტოს პროგნოზით, ქვეყნის ნაწილში ხანმოკლე წვიმა და ელჭექი შენარჩუნდება, ზოგიერთ რაიონში კი ძლიერი ქარიც არის მოსალოდნელი.

დასავლეთ საქართველოში უმეტეს რაიონში მოსალოდნელია ხანმოკლე წვიმა და ზოგან ელჭექი. მაღალმთიან ზონაში შესაძლებელია მცირე თოვლიც. დაბლობში დღის განმავლობაში ჰაერი დაახლოებით +20, +25 გრადუსამდე გათბება, მთაში კი +13, +18 გრადუსი იქნება.

აღმოსავლეთ საქართველოში ზოგიერთ რაიონში მოსალოდნელია ხანმოკლე წვიმა და ელჭექი, ცალკეულ ადგილებში სეტყვის ალბათობაც არსებობს. ბარში ტემპერატურა დღისით +20, +25 გრადუსის ფარგლებში იქნება.