ქობულეთის სანაპიროს სკვერის რეაბილიტაცია მიმდინარეობს

ქობულეთის მერის მოვალეობის შემსრულებელი ირაკლი ცეცხლაძე, უმაღლესი საბჭოს დეპუტატთან ცოტნე ანანიძესთან ერთად, ქობულეთში, ე.წ. ეკოსანაპიროს სკვერის რეაბილიტაციის პროცესს გაეცნო. ინფორმაციას ქობულეთის მერია ავრცელებს.
პროექტი დასკვნით ეტაპზეა და ითვალისწინებს დეკორატიული ფილების მოწყობას და ტერიტორიის გამწვანებას. სკვერში განთავსდება საბავშვო ატრაქციონები, საპარკე ინფრასტრუქტურა და ფანჩატურები, განახლდება განათების სისტემები.