ქობულეთში „ზაფხულის ფესტივალი“ გაიმართება

ქობულეთის მერიის ინფორმაციით, 20 ივლისს, ქობულეთი „ზაფხულის ფესტივალს“ უმასპინძლებს.

ფესტივალი ქობულეთის ცენტრალურ პარკში გაიმართება და დასწრება ნებისმიერ მსურველს შეეძლება. ღონისძიება კოსტიუმირებული მსვლელობითა და დრამების შოუთი გაიხსნება. 19:00 საათიდან სცენას ადგილობრივი და მოწვეული ბენდები დაიკავებენ. აქვე განთავსებული იქნება კვების სივრცეებიც, სადაც სტუმრებს საზაფხულო მენიუს შეკვეთის საშუალება ექნებათ. ფესტივალის განმავლობაში დაგეგმილია გასართობი აქტივობები პატარებისთვის.