,,მუსიკა ბათუმიდან“ – ქობულეთში

საავტორო მუსიკის რადიოფესტივალს ,,მუსიკა ბათუმიდან“, 15 აგვისტოს, 20:00 საათზე  ქობულეთი უმასპინძლებს.  ინფორმაციას ქობულეთის მერია ავრცელებს.

ქობულეთის ცენტრალური პარკის ამფითეატრში, მსმენელის წინაშე წარსდგება მუსიკოსი ვაჟა ტუღუში და ჯგუფი ,,cat fish “-ი.

ფესტივალი აჭარის კულტურის სამინისტროს და საქართველოს კულტურის სამინისტროს ფინანსური მხარდაჭერით ტარდება.

დასწრება თავისუფალია.