საქსატატი – 2026 წლის იანვარ-ივნისში სხვადასხვა დანაშაულისთვის 14-დან 17 წლამდე 410 პირი დააკავეს

,,საქსტატის“ ინფორმაციით, 2026 წლის იანვარ-ივნისში სხვადასხვა დანაშაულისთვის 14-დან 17 წლამდე 410 პირი დააკავეს. უწყების ცნობით, მათგან 40% თბილისში დააკავეს. დანაშაულის ჩამდენი მოზარდების რაოდენობით მეორე ადგილზეა აჭარა, მესამეზე – იმერეთი.

დაკავებული მოზარდების უმეტესობას ბრალად ედება ქურდობა, მეორე ადგილზეა ძარცვა, ხოლო მესამეზე  – ჯგუფური ძალადობის ორგანიზება და მასში მონაწილეობა. გარდა ამისა, მოზარდების მიერ ჩადენილ დანაშაულებს შორისაა მუქარა, ჯანმრთელობისთვის ზიანის მიყენება და ნარკოდანაშაული.