ტრადიციად დამკვიდრებული ტურნირი – მშობლიურ შუახევში

შუახევის სპორტული ცენტრის დარბაზში აჭარის ქართული ჭიდაობის ფედერაციის საპატიო პრეზიდენტის, ბიზნესმენის, ქველმოქმედის, მეცნიერისა და საზოგადო მოღვაწის, ტბელ აბუსერისძისა და ზურაბ გორგილაძის პრემიების ლაურეატის, ფარმაციის დოქტორის, პროფესორ ვლადიმერ მახარაძის სახელობის ტრადიციული ტურნირი გაიმართა ქართულ ჭიდაობაში.
ტურნირში მონაწილეობდნენ 2012-2014 წლებში დაბადებული ქობულეთელი, ბათუმელი, შუახეველი და ხულოელი ჭაბუკები. მონაწილეებსა და დამსწრე საზოგადოებას მიესალმა აჭარის ქართული ჭიდაობის ფედერაციის პრეზიდენტი ჯემალ წულუკიძე. მან ვლადიმერ მახარაძეს წარმატებები უსურვა და ქართული ჭიდაობის განვითარებაში შეტანილი წვლილისა და გაწეული ღვაწლისთვის ფედერაციის მადლობის სიგელი და სამახსოვრო საჩუქარი გადასცა. შეკრებილებს ასევე, მიესალამნენ შუახევის სპორტული ცენტრის დირექტორი რამინ ჯოიძე, შუახევის მუნიციპალიტეტის მერიის სამსახურის უფროსი ფრიდონ დავითაძე, აჭარის ქართული ჭიდაობის ფედერაციის ვიცე-პრეზიდენტები – გელა ზოიძე და ბიჭიკო ბოლქვაძე.

ოთარ ცინარიძე