დღეს და ხვალ, 9-10 ოქტომბერს, ამინდი უარესდება – 112 მოსახლეობას აფრთხილებს

გარემოს ეროვნული სააგენტოს ცნობით, 9 ოქტომბრიდან 10 ოქტომბრის დღის მეორე ნახევრამდე საქართველოს მთელ ტერიტორიაზე მოსალოდნელია დასავლეთის მიმართულების ძლიერი, დროგამოშვებით ძალიან ძლიერი ქარი. ზღვაზე – 4-5 ბალიანი შტორმული ღელვა.

მოსალოდნელმა ძლიერმა ნალექმა დასავლეთ საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო მთიან და გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.