ჩვენი რეგიონის პოტენციალს პარიზის საერთაშორისო ტურისტულ გამოფენაზე ეცნობიან

აჭარის ტურისტულ პროდუქტებს პარიზის საერთაშორისო ტურისტულ გამოფენაზე ეცნობიან. რეგიონის მრავალფეროვან ტურისტულ შესაძლებლობებს „IFTM Top Resa“-ზე აჭარის ტურიზმისა და კურორტების დეპარტამენტი ტურიზმის ეროვნულ ადმინისტრაციასთან და ტურისტულ კომპანიებთან ერთად უწევს პოპულარიზაციას.

გამოფენის ფარგლებში, დეპარტამენტის წარმომადგენლები შეხვედრებს მართავენ ტურისტული კომპანიების, ტურიზმის ინდუსტრიისა და მედიის წარმომადგენლებთან. მათ შორისაა TUI-ი, Le Figaro Voyages-ი და ევროპის ტურიზმის ასოციაცია ETOA.

გამოფენის ვიზიტიორებს საქართველოს სტენდთან საშუალება აქვთ ქვეყნის მდიდარ ტურისტულ მიმართულებებს, პროდუქტებსა და შესაძლებლობებს გაეცნონ. წელს გამოფენაში 100-ზე მეტი ქვეყნის 1 400-ზე მეტი ტურისტული კომპანია და ორგანიზაცია მონაწილეობს.